У чацвер, 19 студзеня, масавае мерапрыемства, прысвечанае Вадохрышчу, пройдзе ў Гомельскім сельсавеце.
Па традыцыі ў вёсцы Гаравыя, на тэрыторыі гідралагічнага помніка прыроды «Гомельская крыніца», у 12.00 адбудзецца святочны малебен, будзе здзейснены чын асвячэння вады ў крыніцы і возеры. Жадаючыя змогуць набраць святой вады, акунуцца ў лунцы.
Вадохрышча ці Богаяўленне — вялікае свята, якое адзначаецца ў гонар праходжання Іісусам Хрыстом абраду хрышчэння на рацэ Іардан. Традыцыя адзначаць Вадохрышча існуе з далёкіх часоў.
