Пастановай Міністэрства адукацыі ад 26 чэрвеня 2023 г. № 177 зацверджаны вучэбныя праграмы факультатыўных заняткаў «Святыні роднага краю» і «Духоўная спадчына Беларусі (IX ст. – 1569 г.)».
Вучэбная праграма «Святыні роднага краю» разлічана на два гады і арыентавана на вучняў IX–X класаў устаноў адукацыі, якія рэалізуюць адукацыйныя праграмы агульнай сярэдняй адукацыі. Яна накіравана на набыццё і сістэматызацыю вучнямі паглыбленых ведаў пра свой край, рэгіён, краіну і выступае ў якасці своеасаблівага «навігатара» па здабычы ведаў, перапрацоўцы інфармацыі і набыцці практыка-арыентаваных уменняў.
У рамках праграмы плануецца вырашыць задачы па:
- фарміраванні ў вучняў ведаў аб матэрыяльных і духоўных адметнасцях роднага краю;
- фарміраванні і асэнсаванні каштоўнасных арыенціраў; садзейнічанні развіццю духоўнай культуры вучняў;
- фарміраванні ў вучняў патрэбы да самаадукацыі і самавыхавання, умення арыентавацца ў полікультурным асяроддзі;
- прапагандзе і папулярызацыі матэрыяльных і духоўных каштоўнасцей;
- прывіцці даследчых навыкаў, пашырэнні і паглыбленні інтэлектуальных і пазнавальных магчымасцей вучняў.
Падчас засваення дадзенай праграмы будуць разглядацца ў тым ліку тэмы:
- спадчына роднага краю;
- помнікі матэрыяльнай культуры;
- духоўная культура;
- славутыя землякі;
- рэлігійна-асветніцкія дзеячы Беларусі;
- страчаная спадчына;
- помнікі археалогіі;
- беларускія святыні.
Праграма «Духоўная спадчына Беларусі (IX ст. – 1569 г.)» прызначана для VI класа ўстаноў адукацыі, якія рэалізуюць адукацыйныя праграмы агульнай сярэдняй адукацыі, і накіравана на павышэнне эфектыўнасці работы па грамадзянскаму, патрыятычнаму і духоўна-маральнаму выхаванню вучняў.
Задачамі праграмы вызначаны:
- пашырэнне ведаў вучняў аб асаблівасцях духоўнага развіцця беларускага народа на працягу IX ст. – 1569 г.;
- фарміраванне ў вучняў каштоўнасных адносін да сваёй Радзімы, выхаванне іх на традыцыях духоўнай спадчыны;
- выхаванне ў вучняў павагі да нацыянальнай спадчыны, традыцый, культуры беларускага народа;
- стварэнне ўмоў для развіцця творчай асобы, самаадукацыі.
У выніку засваення праграмы вучні, у прыватнасці, павінны:
- усвядоміць сваю ідэнтычнасць як грамадзяніна Беларусі на аснове ведаў па гісторыі і асноў культурнай спадчыны беларускага народа;
- асэнсаваць сацыяльна-маральны досвед папярэдніх пакаленняў, мець здольнасць да вызначэння сваёй пазіцыі і адказных паводзін у сучасным грамадстве праз вывучэнне такіх гістарычных сітуацый, як захаванне гістарычнай памяці аб асобах і падзеях беларускай мінуўшчыны;
- сфарміраваць павагу да светапогляду, гісторыі, культуры, рэлігіі, традыцый і каштоўнасцей свайго народу на аснове вывучэння яго духоўнай спадчыны;
- мець здольнасць свядома арганізоўваць і рэгуляваць сваю навучальную дзейнасць;
- авалодаць цэласнымі ўяўленнямі пра гістарычны шлях беларускага народа на працягу IX ст. – 1569 г., разумець асновы фарміравання грамадскіх адносін на беларускіх землях ва ўказаны перыяд.
На занятках будуць разгледжаны тэмы, сярод якіх:
- гістарычныя крыніцы аб духоўным жыцці насельніцтва Беларусі ў IX – сярэдзіне XIII ст.;
- чалавек і прырода ў духоўнай культуры насельніцтва беларускіх зямель;
- правілы жыцця ў побыце беларусаў як адлюстраванне іх духоўных традыцый;
- духоўны подзвіг першых хрысціянскіх асветнікаў на беларускіх землях;
- старабеларуская мова – дзяржаўная мова ВКЛ і носьбіт духоўнай спадчыны беларусаў;
- геральдыка беларускіх гарадоў;
- беларускае народнае дойлідства як адлюстраванне духоўнага свету беларусаў;
- захаванне гістарычнай памяці аб асобах і падзеях беларускай мінуўшчыны.
Прававы акт распрацаваны ў адпаведнасці з Кодэксам Рэспублікі Беларусь аб адукацыі.
Пастанова ўступае ў сілу пасля яе афіцыйнага апублікавання.
